Fisiese en Finansiële fiksheid.

Heel bo aan die bekende Maslow se Hiërargie van behoeftes is die begrip, self-verwesenlikheid of in ander woorde die individu se strewe om sy volle potensiaal te bereik.
Daar is verskeie terreine waarin ʼn mens wil floreer, maar die twee mees algemeenste hiervan is die terreine van jou fisiese voorkoms en finansiële welvaart.
Ek het nog nie een mens tee gekom wat nog nie op ʼn stadium in sy lewe gesê het hy wil gewig verloor, bietjie spiere bou of fikser word nie.
Net so het ons almal ook al gedroom van ʼn sekere mate van rykdom, of om meer geld oor te hè aan die einde van die maand te he.

Wanneer ons na die twee bogenoemde behoeftes van die mens kyk, mis ons dikwels die merkwaardige ooreenstemming tussen fisiese gesondheid en finansiële welvaart of soos die Engelsman sal se “Health and Wealth”
Albei verg intense dissipline en die regte daaglikse gewoontes wat gekweek moet word.

Hiermee lys ek 5 hindernisse of slaggate waarin persone dikwels trap wanneer dit kom by fisiese fiksheid, wat dan ook direk kan deurtrek na finansiële welvaart:

1)Ontkenning – ek is nie in so ʼn slegte toestand nie.
Vir enige vorm van groei of verbetering, moet daar die behoefte bestaan om te wil verander. Indien ons ontken dat daar ʼn probleem bestaan, gaan daar geen of slegs ʼn halfhartige poging aangewend word. Ek ontmoet elke dag mense met slegte eet en drink gewoontes, wat rook en ook glad nie oefen nie. Hulle voel egter dat dit vir hulle nie so belangrik is nie en verwys dadelik na ander met ʼn meer ongesonde leefstyl. So ook ken ons almal persone wat finansieel ongesond leef.
Diegene spandeer hulle geld sonder om daaroor te dink en het geen plan nie. Hulle gaan ʼn groot mate van skuld aan en betaal dikwels een kredietkaart met ʼn ander af. Die probleem is egter dat hulle nie werklik ʼn probleem of fout daarin sien nie. Dit is miskien hoe dit was in die huis wat hulle grootgemaak is, of ʼn norm in die gemeenskap en vriendekring waarin hulle beweeg.
Om uit te kom so ʼn situasie te kom hetsy dit ʼn individue of egpaar is, verg eerstens dat hulle die probleem erken en identifiseer. Sonder die eerste belangrike stap sal geen verandering plaasvind nie.

2) Geen spesifieke plan of doelwit.
Na die probleem geïdentifiseer is en daar ʼn behoefte bestaan om te wil verander, is dit belangrik om n goed gestruktureerde plan of program met ʼn duidelike doelwit saam te stel.
Ons sien dikwels mense wat al getrou vir jare in die gimnasium oefen, maar in dieselfde fisieke kondisie bly. Die paar druppels wat in die gym af gesweet word, word vinnig weer vervang met ʼn hamburger oor middagete of ʼn koue bier na werk.
As jou plan is om gewig af te skud, moet jy n ander plan volg as iemand wat wil spiere bou; wat is jou doelwit?
Net so sien ons mense wat hulle daagliks afsloof by die werk en moeite insit om goeie werk te lewer. Hulle klim dalk stelselmatig die korporatiewe leer en hul inkomste styg geleidelik.
Die probleem ontstaan egter dat die inkomste baie vinnig weer spandeer word soos hulle lewenstandaard styg en aan die einde van die maand is daar niks om vir die harde werk te wys nie en sodoende word geen welvaart gebou nie.
Waarvoor werk jy? Op watse ouderdom wil jy aftree? Na watter land wil jy volgende reis? Benodig jy ʼn groter huis? Studiegelde of skoolgelde?
Almal is in ʼn verskillende situasie en werk na verskillende doelwitte.
Die oplossing? Stel ʼn kundige afrigter/adviseur aan. Nie net sal hy jou kan help om ʼn goeie plan saam te stel nie, hy sal jou ook verantwoordelik hou om daarby te bly.
N Adviseur wat sy sout werd is sal die regte vrae vra en sodoende saam met jou, jou doelwitte identifiseer. Hy sal jou ook lei in die regte rigting in terme van produkte, strukture, risiko profiel asook belasting beplanning. Die heel belangrikste is egter dat hy jou verantwoordelik sal hou en seker maak jy hou by jou plan in tye waar jy dalk emosioneel wil optree en n ander koers wil ingaan.

3) Kits oplossings
Deur die jare kom daar kort-kort n nuwe produk of oplossing op die mark wat vinnige gewig verlies beloof en om jou in n goeie fisiese toestand te kry in rekord tyd. Mense maak dan vinnig die besluit om die produk aan te skaf omdat dit maklik lyk en die kans vir sukses groot. Keer op keer val ons daarvoor en ons almal weet hoe dit opeindig. Die produk word vir 2 weke gebruik en dan in die kas gebêre omdat die resultate toe nie so maklik kom nie of die vet wat ons vinnig verloor het, kom net so vinnig weer terug.
Net so is daar in die finansiële bedryf elke dag n nuwe skema wat opduik wat te goed klink om waar te wees – en altyd is. Dit is egter nie n nuwe verskynsel nie en het al in die vroeë 1920’s bekend geraak toe die Italianer Charles Ponzi beleggers uitermatige opbrengs beloof het vir kapitaal wat hulle in seel koepons belê het. Die eerste beleggers se opbrengste is dan aan hulle betaal uit kapitaal wat nuwe beleggers dan bel eens.
Sharemax is nog n skema wat n paar jaar terug in Gauteng opgeduik het, wat beleggers baie geld laat verloor het. Daar is duisende ander skemas wat nie eens die nuus haal nie en om nie eers te praat van daardie eposse wat ons kort-kort ontvang om te se ons het die Amerikaanse lotery gewen en is $10 000 000 ryker nie.
Bitcoin is ook onderwerp wat in die afgelope paar jaar groot aandag gelok het nie. Nou se ek nie Bitcoin is n Ponzi of Piramida skema nie, maar die “vinnig ryk word” faktor is teen teenwoordig en lok beleggers om geld in te sit in iets wat hulle min of geen kennis van dra nie. Die gevaartekens was vir my duidelik toe ek 6 maande gelede in n golfdal saam met n groep professionele rugby spelers gespeel het. Tussen byna elke gat was daarna na die fone gekyk om te sien hoe die prys van n Bitcoin verhandel en dan is daar gespog oor die opbrengste. In byna al hierdie skema’s is daar 1% van beleggers wat ryk word en die ander 99% is slagoffers en verloor als.
Ware fiksheid, fisies en finansieel kom nie maklik nie. Dit is daaglikse stappe en dissiplines wat ons moet inkorporeer in ons alledaagse lewe.

4) Tekort aan uithouvermoë
Die besluit om te verander is gemaak en die plan is uitgelê. Die datum en einddoel is neergepen en Maandag begin ek volstoom, klink dit bekend? Dis egter hier is waar die harde werk begin. Die uithouvermoë, die dissipline. Die koue winter oggende se opstaan om te gaan opstaan en die nee se vir die tweede bord kos of daardie soet koeksisters.
Net so word ons uithouvermoë getoets wanneer dit kom by ons finansies. Die mis persepsie wat baie mense hier het is dat hulle altyd net dink in terme van die inkomste deel. Hulle glo dat hoe harder hulle werk en hoe meer ure hulle insit, hoe meer welvaart sal hulle genereer.
Die werklike uithouvermoë en dissipline gebeur egter na die inkomste verdien is; hoe spandeer ons ons hard verdiende geld. Het ons n begroting en hou ons daarby? Swoeg ons voor die begeerte van die nuwe paar skoene of ʼn beter kar, al weet ons ons kan dit nie werklik bekostig nie?
Net soos wat n slegte dieet al jou harde werk in die gimnasium kan uitkanselleer, so ook gebeur dit wanneer ons ons inkomste onbenullig spandeer.

5) Maak nie gebruik van professionele kundigheid nie .
Vir baie mense lyk ʼn spesifieke veld voor die hand liggend en ons se maklik “hoe moeilik kan dit nou wees” Dit is egter eers wanneer jy bietjie begin oplees, navorsing doen en ons minimale kennis probeer toepas wanneer ons agter kom hoe min ons werklik weet en hoe wyd die veld werklik strek.
Wanneer ons oefen en iets klein verkeerd doen, kan dit groot negatiewe gevolge hè. Ons kan maklik ons lyk skade aan doen en n besering oorkom.
Net so kan mens maklik n fout begaan met jou finansies weens onkunde. Jy dink dalk jy is verseker vir n bepaalde gebeurtenis, net om later uit te vind dat dit nie ingesluit was nie en daar geen uitbetaling sal wees nie. In die beleggings wêreld speel effektiewe belasting beplanning ʼn groot rol en deur verkeerde struktuur te kies kan jy onnodige belasting betaal.
Wanneer n persoon beter wil raak in n bepaalde veld, kry hy n afrigter. Selfs die bestes ter wêreld het nogsteeds n afrigter om van buite af perspektief te gee, te motiveer en hulle te hou by hulle program. Dink aan Roger Federer, Tiger Woods, Usain Bolt, Serena Williams, al hierdie persone het van afrigting gebruik te maak om te kom waar hulle is en maak steeds elke dag gebruik om hulself te verbeter. Wanneer dit egter kom by ons eie fiksheid of finansies glo ons dikwels ons het dit nie hulp nodig nie.
Navorsing het keer op keer al bewys dat diegene wat van ʼn adviseer gebruik maak se beleggings portefeulje met 2% tot 3% per jaar beter presteer oor die langtermyn.

Fisiese en finansiële welstand is noodsaaklik vir ʼn gelukkige lewe en dit is die klein daaglikse gewoontes wat ons aankweek wat die uitslag in albei velde gaan bepaal.

Leave a Comment

Your email address will not be published. Required fields are marked *